佛山 最 受 欢 迎 最 有 态 度 的 图 文 公 众 号
点 击 题 目 下 方 蓝 字 关 注 我爱大佛山
放假去行街，唔一定次次都要走去食大餐噶，你都可以来一场街边小食之旅，你话唔知佛山系边度有街边正嘢食？斌哥为你推荐14种佛山超正街边小食！马上来睇下啦喂！
∨
∨
∨
阿叔鸡蛋仔
外脆内嫩，蛋香味浓
佛山老字号鸡蛋仔，每次去几乎都要排队。虽然依家好多地方都有鸡蛋仔卖，但是很多佛山仔女都钟情于哩一间。因为哩度嘅鸡蛋仔不但外脆里嫩，而且蛋香味浓，价格亲民，有很多种口味任君选择。
地址：禅城区燎原路福升商场后边
辉记猪脚姜
行过都想食翻碗
辉记糖水系佛山老字号啦，讲起佢估计佛山街坊无人不晓，晚晚都好好生意，价钱又很亲民，出品都几好噶，系附近进过离好远就闻到店里飘散过来嘅姜醋味道，真系让人忍唔住想行入去食返碗。
地址：禅城区燎原路口（近福生产商场）
开心花甲粉
好食到停唔到口
哩间虽然话系新店，但出品同份量都几好，新鲜花甲，配上鱿鱼、金针菇、粉丝、蒜蓉，非常惹味，你仲可以按照自己喜好来选择唔同嘅配菜。
地址：禅城区燎原路口（近福生产商场）
烤猪手
肥而不腻
哩间店就系辉记旁边，每次去辉记都会见到佢，某次真系忍唔住诱惑去买左一份来食，发觉都几好食，虽然睇落好肥，但系肥而不腻，特别系加咗孜然之后，都几惹味。
地址：禅城区燎原路口辉记糖水旁
炒栗子
新鲜甘甜
哩间店也都系斌哥我经常帮衬嘅店，同样系做炒栗子，哩度嘅却外壳干净，栗子甘甜，食得出天然嘅味道，特别系新鲜炒出来嘅最正。
地址：燎原路路口与市东下路交接
葡京蛋挞
香脆味浓
哩间蒲挞店本身在体育路口的，后来搬咗去体院馆旁，主推蛋挞，哩间嘅葡挞超好食，特别系刚出炉嘅葡挞，脆香味浓，食过一次就想食下次，斌哥我有时会专登开车去买至少一打翻来同屋企人分左距，最近升价到3.5元一个了。
地址：禅城区卫国路71号葡京葡式蛋塔店（原体育路葡京葡式蛋塔店）
修记牛杂
秘制汤底
修记牛杂档位于荣山中学后门斜对面嘅小巷深处。店铺一般中午11点半左右开门，下午5点关门。每天下午哩度嘅生意都超火爆。哩度嘅牛杂惹味，品种丰富，仲有D比较特别嘅牛杂，如牛草肚、牛膜等。风味牛杂可以做到如此出名，独到之处就系分量多，味道好。秘制嘅香料深深渗进牛杂中，带出牛肉特有嘅醇厚香味。
地址： 禅城区 同华东一路22号A-D铺(近荣山中学)
咖喱肉丸
浓浓咖喱味
哩间小档都开了好多年了，很早之前系一个阿婆系度卖，依家老板都换人啦，但是味道依然未变！鱼丸、肉丸，都是经过咖喱腌制，每串都有浓香咖喱味。
地址：禅城区卫国路138(致用电脑旁)
粗粮煎饼
外软内脆
斌哥我每次去过百花食街食嘢必买嘅街边小食，听讲老板就系山东人，所以个粗粮煎饼自然都会几正宗下，里面有鸡蛋，豆瓣酱，葱花，薄脆等陷，7蚊鸡一个大煎饼，一开二比你，最好趁热食，唔系冻咗就无甘香脆。
地址：禅城区祖庙路百花新翼后边食街中间区域
胜记艇仔粥
食过返寻味
所谓艇仔粥，系以新鲜嘅小虾、鱼片、葱花、蛋丝、海蛰、花生仁、浮皮、油条屑为原料，煮粥嘅手法也依照滚粥冲烫粥料嘅手法，立即冲滚、稍后品尝。相传正宗嘅艇仔粥应该是在漂浮于河上嘅艇上人家制作，甚至必须系艇仔里面食，艇仔粥也因此得名。
虽然唔系艇仔，但哩间艇仔粥D料一D都唔会输仕，而且7蚊就有一大碗，加底都系先10蚊，系斌哥我宵夜嘅首选美食。
地址：禅城区文华北路十字路口（桂园小学斜对面）
鲷鱼烧（趣趣鱼）
香脆好好味
系桂城南海广场旁边，快餐车里出品嘅鲷鱼烧，是斌哥我每次必点之物，有甜有咸，推荐嘅味道是：薯仔沙律、吞拿鱼。刚出炉嘅鲷鱼烧外形得意，香脆可口，6蚊就有交易。
地址：南海区南海广场正门旁
弹丸滋地
多馅超大粒
斌哥我食咗甘多间章鱼小丸子，目前发觉最大粒嘅都系得弹丸滋地啦，佢哩度嘅一粒小丸子等于其他地方最少一个半甘大啦，外皮香脆，内里多陷，食开真系唔想再食第间。
地址：佛山东方广场弹丸滋地（目前祖庙地下商业街都开咗间分店）
桂林米粉
配料任你加
哩间嘢系斌哥我系万科行街嘅时候无意中入咗去食嘅一间店，听讲已经开成品牌连锁店嘅形式啦，讲系佢间嘢都几特别，有干捞形式嘅桂米，斌哥我都系第一次食，都几爽口够味，如果唔够粉都可以加3蚊加底。店中仲有个车仔上面摆住D酸豆角，榨菜之类嘅配菜可以任你加。
地址：南海区桂城万科广场食街（近百佳超市出口）
八宝粥
清甜解暑
讲起哩间小甜品摊位，斌哥我都食咗好多年啦，唔好睇佢就系市场里面，搭几张台甘买嘢，都俘获咗唔少街坊来帮衬，特别系哩度出品嘅八宝粥，清甜可口，香糯解暑，每天限量供应，卖完即止，摊内的豆腐花也是不错的选择。
地址：南海区桂城海六路市场后门花店旁
第六届【佛山最美亲子照】网络投票大赛
拍一张爱意满满的亲子照，
为你和孩子留下最美的印记
让全佛山共同见证，你们对孩子的爱！
还有丰富奖品等你来领，赶快参与吧！
∨∨∨点击【阅读全文】立即参与！
还没有评论，来说两句吧...